متابعات- الزاوية نت- نشر الفنان شريف شرحبيل نجل الفنان الكبير شرحبيل أحمد، وعضو مجموعة عقد الجلاد الغنائية، فيديو وهو يدندن بصوته المألوف من داخل مسرح نادي الضباط “يا معشوقي .. ليك من شوقي كل الشوق” في أول زيارة له إلى هذا الصرح الثقافي والفني منذ أكثر من سنيتن.
ووجدت الخطوة تجاوبا كبيرًا من الناشطين والمهتمين بالشأن الفني، بين منتقد ومادح، مما دفعهم إلى تعليقات حملت الكثير من الحنين إلى الخرطوم وليالي المسارح والغناء، بينما اعتبرها آخرون مجرد حدث لا قيمة له في ظل دمار تعيشه العاصمة وان الكثير من الفنانين هربوا خارج البلاد.
ويعتبر نادي الضباط التابع للقوات المسلحة السودانية، الذي تأسيس 1974م ووضع حجر أساسه وافتتاحه في 8 يونيو 1981م على يد المشير جعفر محمد نميري رئيس الجمهورية الأسبق، من المسارح القومية الكبيرة في السودان، وقد قام بالتصميم الهندسي للنادي المهندس الإيطالي باولو بارتغيزي عبر شركة مافيت الإيطالية ونفذ إنشاؤها بواسطة الأشغال العسكرية وأيادٍ سودانية خالصة.
أول حلفة في النادي نريدها للفنان الكبير عاطف السماني
وقال عباس محمد علي تعليقا على فيديو شريف شرحبيل، إن أول حفلة في نادي الضباط يجب ان تكون للفنان عاطف السماني برعاية منتدى عوامة مرآسي الشوق صاحب الرسالة الأسمى للفن الذي قدح التكايا، جبار الكسور، شيال التقيلة، الذي علمنا أن الدنيا دي ما كل فصولا دلّوكة وطرب، فيها فصول حارة وفصول واجب ونداء للوطن، وكت يحمى الوطيس بشيل سلاحه في كتفه.
وأضاف عباس “وفصول تعاون وتراحم وسند.. دا الزول المستحق تقطع له من قوتك وتركب المواصلات وتقيف في الصف عشان تقطع تذكرتك وتسمع له ياريت ما يدخل النادي زول قبله ويا ريت أول حفلة تتصور ويكون فيها النادي بهذا الشكل عشان يكون شاهد على كل جريمة ارتكبوها بحق هذا الوطن الجميل”.
المواطن حق الأكل ما عنده وبيته مسروق
وقال أحدهم معلقا: يازول شريف شنو وعقد الجلاد شنو ديل ناس فارغه وغنا عاوزين حفلات ودخل لمصلحتهم بس ياخ المواطن حق الأكل والشراب ما عنده المواطن بيته مسروق” وقالت اسراء موجه رسالة إنه بدل ما تغنوا في المسرح بحالته الراهنة عليهم إصلاحه لأنه نادي البلد الناس كلها تحبه وتحب قعداته”.
