بورتسودان- الزاوية نت- دشن عضو مجلس السيادة مساعد القائد العام الفريق مهندس إبراهيم جابر إبراهيم اليوم المرحلة الآخيرة من عملية التأهيل والتعمير الخاصة بتوسعة مطار بورتسودان.
وأوضح وزير الثقافة والإعلام الناطق الرسمي باسم الحكومة خالد الإعيسر في تصريح صحفي أن التوسعة التي تمت بمطار بورتسودان تتيح الفرص لزيادة عدد مدرجات ومهابط الطائرات العالمية لتصل إلى إثني عشرة مدرج لتسهيل حركة المواطنين والبضائع.
وأبان أن المشروع تم بواسطة شركة استشارية هندية متخصصة في توسعة المطارات بشراكة أصيلة مع شركة الموانئ الهندسية التابعة لمنظومة الصناعات الدفاعية و هيئة الموانئ البحرية.
وأضاف أن عملية التوسعة تعد خطوة مهمة ومن المتوقع أن تكتمل خلال شهر، ومن ثم تبدأ حركة الطيران لأكثر من ثمانية عشر طائرة.
مدرج يعني المكان البتنزل فيه الطياره من السما، اكبر مطار في العالم ممكن يكون فيه ٣ مدارج، احتمال اكتر لكن ما لاقاني،
الاخ العمل التقرير ده، سؤال. هل في زول تابع للطيران المدني استقيت منه المعلومه دي، لو كا ذلك كذلك، بلغ فيه في البوليس بلاغ كلاتي: انتحال شخصية موظف في الطيران المدني، وصدقني حا يخش السجن.
ياخي خلي بالك انت والمعاك في الزاويه دي، مش كل كلام تسمعه تلقيه على عواهنه، كده ستكتب كذاب، تحرى الدقه، وراجع اي كلمه، لما تكون ما بتعرف كلمات زي م درج الطائره، تبقى محتاج شويه ثقافه في الطيران ،اعرف ابجديات المسميات، بعدها اكتب. ايمح لي اقول ليك كتبت كلام اقل ما يوصف بأنه فارغ.
اما اذا كان المسؤول هو القال ليك الهرطقه دي، فطوالي بلغ في المسؤول، بلاغ مضنونه ( بي مويه وكملت) كان الله في عونك وعون البلد الفيها ما فيها من اشباه المتعلمين، واشباه الرجال.
اصابني القرف من هذا المقال او التقرير او ايا كان اسمه فقلت احسن اتفشى فيك عشان المراره وكده
يسلم فمك
وتسلم البطن الجابتك
مدرج يعني المكان البتنزل فيه الطياره من السما، اكبر مطار في العالم ممكن يكون فيه ٣ مدارج، احتمال اكتر لكن ما لاقاني،
الاخ العمل التقرير ده، سؤال. هل في زول تابع للطيران المدني استقيت منه المعلومه دي، لو كا ذلك كذلك، بلغ فيه في البوليس بلاغ كلاتي: انتحال شخصية موظف في الطيران المدني، وصدقني حا يخش السجن.
ياخي خلي بالك انت والمعاك في الزاويه دي، مش كل كلام تسمعه تلقيه على عواهنه، كده ستكتب كذاب، تحرى الدقه، وراجع اي كلمه، لما تكون ما بتعرف كلمات زي م درج الطائره، تبقى محتاج شويه ثقافه في الطيران ،اعرف ابجديات المسميات، بعدها اكتب. ايمح لي اقول ليك كتبت كلام اقل ما يوصف بأنه فارغ.
اما اذا كان المسؤول هو القال ليك الهرطقه دي، فطوالي بلغ في المسؤول، بلاغ مضنونه ( بي مويه وكملت) كان الله في عونك وعون البلد الفيها ما فيها من اشباه المتعلمين، واشباه الرجال.
اصابني القرف من هذا المقال او التقرير او ايا كان اسمه فقلت احسن اتفشى فيك عشان المراره وكده
السلام عليكم أخي الكريم
لك كل الحق في ما سردته من سطحية و ضحالة المقال و هذا يدل علي المستوي الذي أصبحت عليه بلادنا و الحمد لله رب العالمين.
مشاريع التوسعة التي تمت و التي ستتم للاسف لا يمكن وصفها الا أنها خارج المعايير و مصيرها الفشل الذريع حتي لو فرضنا جدلا زيادة باحات الانتظار للطائرات ، أين سيتم خدمتها و صالة الانتظار و المغادرة صغيرة جدا و عدم وجود طاقم مدرب و أجهزة مناولة حديثة بالموحود .
أعتقد أن العك و الضحالة في كل مشاريع الطيران المدني سيستمر طالما لم تغيير جل الطاقم الموجود بهذه المؤسسة .
هو ما مدرج بتشديد الراء التي جمعها مدرجات ..دي بتاعت الاستادات … اسمه مدرج براء مفتوحة الله يهديك يعني مدارج …
تاني شي.. كيف يعني 18 طيارة تنزل بدون قدرة على خدمتها . الطيارات برضو حتقيف صف ..
مطار بورتسودان دا قال الروب ، ودي قدرته ، بدل الجغمسة دي لو هدوه وقوموه من جديد ياخ السير بتاع الحقائب في محل الصالون بتاع البيوت العادية اكبر منه وكل مرة يدوه دفرة عشان يلف …
اخر شي وهو ما اخر شي بس زهجت من الكتابة، المقال أو التقرير دا بي طريقة كتابته والمعلومات الفيه ، صحافة على مصادر كله خرمجة ساي ، لا الكاتبه صحفي لا المعلومات الفيه ممكن تجي من مسؤول ، وكله على بعضه بوريك البلد عاملة كيف، … حليلك يا بلد كانت بلد …. مدرجات قلت لي 😭